كرسى الاعتراف "معانا العضوه المميزه D&ampH"

لاااااااااااااااااااااااااا
مرة واحده كده
ماشي يا هيثوم
انا مستعد

هوبا انتا لسه محدش سئلك اسئلك انا
اعرضلنا بطاقتك الشخصيه؟
ايه رايك فى الحب ؟ وكم مره حبيت؟ وايه مواضفات فتاه احلامك؟
ايه الحلم اللى هوبا اتمناه واتحقق والحلم الى نفسه يحققه؟
ايه رايك فى الصداقه ؟وايه الفرق ما بينها وما بين الحب؟
كم مره ايهاب اتخنق من الدنيا وليه احكلنا موقف؟
ايه شعورك بعد ما رديت على اول اسئله وشعورك وانتا على الكرسى منتظر الاسئله؟
يلا يا حبى كفايه عليك كده وجاوب بسرعه خليك خفيف خفيف
شوفت انا حنين ازاى واسئلتى بسيطه
ايهاب ايه السوال الى خايف تتسئله؟
يله يا هوبا رد بصراحه منتظر الاجايات
سلااااااااااااااااااااااااااااااااااااااموزات هرجعلك تانى ان شاء الله

هيثوووووم كتب:: بسم الله الرحمن الرحيم
استر يارب
ههههههههههه
هوبا انتا لسه محدش سئلك اسئلك انا
ماشي انت لسه حاطنني ياعم
اعرضلنا بطاقتك الشخصيه؟
الاسم : إيهاب عادل محمد
طالب بكلية دار العلوم
تاريخ ميلادي : 9/5/87
مسلم الحمد لله
أعزب الحمد لله برده
صورتي في التوقيع.
ايه رايك فى الحب ؟
الحب من احلي الحاجات اللي في الدنياحتي لو انت بتحب ومتعذب برده احساس جميل (دا رأي)بس مش تفضل متعذب علطول يعني
وكم مره حبيت؟
هي مرة واحدة ومقعدتش كتير (مش عارف ممكن تكون اعجاب)
وايه مواضفات فتاه احلامك؟
طبعا متدينه
مش لازم تكون ملكه جمال المهم انا اكون بحبها وهي كمان
وفي نفس الوقت دلوعه مبحبش انا البنات الكئيبه ههههههههههههه
وتكون طبعا اقصر مني

ايه الحلم اللى هوبا اتمناه واتحقق والحلم الى نفسه يحققه؟
اللي اتحقق اني الحمد لله اكون في وسط اصحابي وهما معايا.
اللي نفسي يتحقق: انا يا هيثوم السنه دي وانت عارف في رابعه كليه يعني خلاص فبحلم بعد ما اخلص بمستقبل مشرق ان شاء الله ....
ايه رايك فى الصداقه ؟
الصداقه شئ جميل لانها لو صداقه بجد بتدوم
وزمان اخدنا في المدرسه الصديق عند الضيق يعني لما تتخنق من اي حاجه ممكن تقولها لصاحبك بس مش ممكن تقول اي حاجه لحد تاني
وايه الفرق ما بينها وما بين الحب؟
الصداقه 1. بتدوم
2. زي ما قلتلك ممكن تحكي لصاحبك عن كل اسرارك
الصداقه ممكن (4،3،2،...) في نفس الوقت
الحب 1.مش لازم يدوم
2.طبعا عمرك م هتبقي صريح جدا (وانا متأكد من كده )(ممكن تبقي صريح بس مش جد)ا
الحب هي واحدة بس .
دا اللي فكره.....
كم مره ايهاب اتخنق من الدنيا وليه احكلنا موقف؟
كل واحد فينا بتيجي عليه وقت بيتخنق خصوصاُ لو لقيت كزا حاجه عكست معاك
موقف بظبط هو اخر موقف بس بلاش احسن اصلي لو حكيت هقعد سنه المهم اني اعدت يجي اسبوع كل حاجه كانت بتقف معايا وفي الاخر عدت الحمد لله (بدات بحكايه الهرد اكيد انت عارف ) بس فكت لما النتيجه ظهرت ونجحت الحمد لله
ايه شعورك بعد ما رديت على اول اسئله ؟
انا قبل ما ارد كنت مرتجف شوبة
وانتا على الكرسى منتظر الاسئله؟
مرتجف برضه
يلا يا حبى كفايه عليك كده وجاوب بسرعه خليك خفيف خفيف
تمام يا هيثوم
شوفت انا حنين ازاى واسئلتى بسيطه
اه حنين بس ربنا يستر في اللي جاي
ايهاب ايه السوال الى خايف تتسئله؟
اقولك عليه علشان تسأله
لا يا ناصح
يله يا هوبا رد بصراحه منتظر الاجايات
رديت يا حبي
سلااااااااااااااااااااااااااااااااااااااموزات هرجعلك تانى ان شاء الله
بالبن
انا مستنيك وشكررا جدا يا هيثوم
بس تصدق قاعدة الكرسي حلوة

..........................

ايهااااااااااااااااااااااااااااب

يا ايهاااااااااااااااااااب

انا جيت

يلا نبدأ

1_ إذ كـانت لديكـ وردة حمــراء
رمــز الحــب و الوفــاء
لمــن تهديها مــن الأعــضاء هــنا ؟ لعضو واحد بس

2_ و مـاذا تكتب بالكارت المرفق معــها ؟

3_ من هو قدوتك ؟

4_ هدف تسعى لتحقيقه . ماهو ؟؟؟

5_ هل تمتلك صديق بالمعنى الحقيقى ام لا ؟؟ ولو تمتلك مين الصديق ده ؟؟؟

6_ عمل دائم تعمله ؟؟

7_ عبارة دايما ترددها ؟؟

8_ ماهو الوقت الذى تحب الجلوس فيه بمفردك ؟؟؟

9_ هل هناك احد تعتبره مستودع لسرك ؟؟؟

10_ عمل ندمت عليه ؟؟؟

11_ كلمة شكر لمن تقولها ؟؟

12_ موضوع قرأته فى المنتدى واثر فيك . ماهو ؟؟؟

13_ عضو تحب ان تقرأ له ؟؟؟

14_ عضو يعجبك تفكيره ؟؟؟

15_ ايه الجملة الي بتحس انها بتوصفك ؟؟؟

16_ اوصف كلا من الاعضاء بكلمة واحدة ..

هانى
ميدو
هيثوم
شو تايم
سكوفيلد
انج اسلام
رانون
مون لايت

17_ ايه نصيحتك للمشرفين ؟؟؟

18_ اكتر قسم بتحبه فى المنتدى ؟؟؟

19_ هل بتحارب لتحقيق حلمك ولا سايبها لله ؟؟؟

20_ انت قولت انك حبيت او اعجبت ببنت والموضوع مطولش .. طب دلوقتى بتحب و لالا ؟؟

21_ ايهاب .. لسة جواك طفل ولا حاسس انك خلاص كبرت ؟؟؟

22_ قولي بقي تقول الكلام ده لمين

_بيدق قلبي كل مااجى اكلمك حاسس حبيبي كأنى لسة بعرفك

_ الدنيا ايه لو مش معايا ويحس مين شوقى وهوايا عمر واحد مش كفاية اعيشه ليك

23_ من هو اقرب عضو لقلبك فى المنتدى ؟؟؟

24_ مين اقرب عضوة ليك فى المنتدى ؟؟؟

25_ لما شيء بيثير غضبك بتعمل إيه ؟

بتظهر الغضب ؟؟؟
وللا بتتماسك وتتظاهر وكأن شيئاً لم يحصل ؟

26_ صف لنا نفسك فى سطرين ؟؟

27_ حكمتك بالحياة ؟؟

28_ اهم 3 اعضاء تتابعهم ؟؟

29_ اهم 3 هدايا لمن تقدمها ؟؟

30_ ماشعورك عندما تواجه شخص لا يفهمك ؟؟

31_ مـآهـي أصعب آللحـظــآت آلتـي يحـس فيهـا سامح بـآلعجـز عـن آلتعـبـيــر ..؟

32_ ايه رايك فى الحكومة المصرية ؟؟

33_ اسم حبيبتك الاولي والحالية ؟؟

34_ ماذا تفعل فى هذين الموقفين

اذا احببت ووجدت انه لم يحبك
اذا احبك شخص وانت لم تحبه

35_ لمــــــــــــــــن تقول ؟

ما بلاش نتكلم فى الماضى:
كن صديقى:
نسيانك صعب اكيد:
بحبك:
كذاب:
مع السلامه:
افتكرنى:
كرهتك:
سامحتك:
زعلان منك:
نور عينى:

36_ ايه رايك فى البنت اللى بتعترف للولد بحبها الاول ؟ رايك بصراحه؟

كفاية عليك كده بقي
شفت انا طيبة ازاى
انا عارفة انك زعلان عشان انا ماشية
بس معلشي
هبقي اجى تانى

مع السلامة وربنا يوفقك
sdrtaeQF

اهلا بيك يا ايهاب على كرسى الاعتراف
انا مش هتقل عليك حاجات بسيطه
1- شعورك ايه لما تقول للى بتحبها (بحبك)ولقيتها بتبادلك نفس الشعور؟
2-ايه احلى موقف مر عليك وعلى طول بتفتكرة؟
3-وايه اصعب موقف مر عليك وبتكرة نفسك لو افتكرته؟
4-ومين اكتر واحد او واحدة بتثق فيه وتآتمنه على سرك؟
5-ايه اكتر اغنيه انت تحب تسمعها على طول؟
ارجوا انى مكنش تقلت عليك
سلام يا هوباااااااا على رآى هيثم

اقتباس :: ايهااااااااااااااااااااااااااااب
ايوة
يا ايهاااااااااااااااااااب
ايوووووووووووووون
انا جيت
نورتي البيت
يلا نبدأ
اوكشن
1_ إذ كـانت لديكـ وردة حمــراء
رمــز الحــب و الوفــاء
لمــن تهديها مــن الأعــضاء هــنا ؟ لعضو واحد بس
واحد بس لا مينفعش (احنا كلنا هنا اصحاب )كلهم حبايبي السؤال ده ليه هنا مينفعش

2_ و مـاذا تكتب بالكارت المرفق معــها ؟
لو هبعتها للي في دماغي (الكلام لوكان يعبر علي الحنان كنت قولت اني بحبك من زمان )
3_ من هو قدوتك ؟
خالي
4_ هدف تسعى لتحقيقه . ماهو ؟؟؟
اني اكون متميز ، مش زي اي حد
5_ هل تمتلك صديق بالمعنى الحقيقى ام لا ؟؟ ولو تمتلك مين الصديق ده ؟؟؟
ايوة الحمد لله
مين ؟
الحمد لله معايا مانوس وهيثوم وابوعلي وميرو...... وكتير
6_ عمل دائم تعمله ؟؟
بدخل علي النت
وحاجه نفسي أبطلها
بسمع اغاني
7_ عبارة دايما ترددها ؟؟
الحمد لله
8_ ماهو الوقت الذى تحب الجلوس فيه بمفردك ؟؟؟
لما بكون مخنوق
9_ هل هناك احد تعتبره مستودع لسرك ؟؟؟
اكيد اي حد لازم يلاقي اللي يتكلم معاه يا اما يتجن
10_ عمل ندمت عليه ؟؟؟
مرة غنيت اغنيه في فرح ناس قرايبنا (اصل بيقولولي صوتك حلو )ممكن اكون مندمتش قوي يعني
11_ كلمة شكر لمن تقولها ؟؟
وقل ربي ارحمهما كما ربياني صغيراُ
12_ موضوع قرأته فى المنتدى واثر فيك . ماهو ؟؟؟
سب الرسول0صلي الله عليه وسلم)،رغم اني كنت شفته بس لما اشوفه بزعل
13_ عضو تحب ان تقرأ له ؟؟؟
مش حد بالظبط ناس كتير وخصوصا البنات في الرومانسيات
انتي بردهبداتي بقالك فترة شغاله كويس
14_ عضو يعجبك تفكيره ؟؟؟
مانووووووس
15_ ايه الجملة الي بتحس انها بتوصفك ؟؟؟
يوم ليك، ويوم عليك
16_ اوصف كلا من الاعضاء بكلمة واحدة ..

هانى
كبيرنا
ميدو
احلي سلام
هيثوم
حبي (بحس انه اللي محلي المنتدي)
شو تايم
محدش له عندي حاجه
سكوفيلد
اجمل ضحكه
انج اسلام
مع نفسه
مون لايت
عاقلة
17_ ايه نصيحتك للمشرفين ؟؟؟
عايزين شغل جااامد
18_ اكتر قسم بتحبه فى المنتدى ؟؟؟
العام
19_ هل بتحارب لتحقيق حلمك ولا سايبها لله ؟؟؟
بعمل اللي عليه الاول والباقي علي ربنا
20_ انت قولت انك حبيت او اعجبت ببنت والموضوع مطولش .. طب دلوقتى بتحب و لالا ؟؟
لا
21_ ايهاب .. لسة جواك طفل ولا حاسس انك خلاص كبرت ؟؟؟
لاخلاص كبرت و اتغيرت كتييييير
22_ قولي بقي تقول الكلام ده لمين

_بيدق قلبي كل مااجى اكلمك حاسس حبيبي كأنى لسة بعرفك

_ الدنيا ايه لو مش معايا ويحس مين شوقى وهوايا عمر واحد مش كفاية اعيشه ليك
كنت ممكن اقوله لناس زمااااااااان لكن دلوقتي..... مينفعش
23_ من هو اقرب عضو لقلبك فى المنتدى ؟؟؟
مقولنا مينفعش
24_ مين اقرب عضوة ليك فى المنتدى ؟؟؟
يعني لازم
انا مش متعود اكلم بنات كتير يعني
لكن انتي اكتر واحدة بكامك دلوقتي
25_ لما شيء بيثير غضبك بتعمل إيه ؟
ممكن اكسر اي حاجه قدامي
بتظهر الغضب ؟؟؟
اه طبعا
وللا بتتماسك وتتظاهر وكأن شيئاً لم يحصل ؟
لاااااااااااا
26_ صف لنا نفسك فى سطرين ؟؟
والله الحمد لله اللي يشوفني او يتعامل معايا يقول طيب محترم عاقل ....
وطبعا اكيد فيه عيوب _مفيش إنسان كامل_
27_ حكمتك بالحياة ؟؟
كنت زمان بقول اللي يمشي جمب الحيط يسلم
دا زمان
دلوقتي : بقول اللي يدوس هو اللي يسلم لانك لو ضعيف هيداس عليك
28_ اهم 3 اعضاء تتابعهم ؟؟
مانوس
سكوفيلد
هيثوم
29_ اهم 3 هدايا لمن تقدمها ؟؟
لنفس التلاته لانهم اكتر ناس تعبانه في المنتدي
30_ ماشعورك عندما تواجه شخص لا يفهمك ؟؟
مش هيفهمني خالص
لا مع نفسه
انا معنديش روح
32_ ايه رايك فى الحكومة المصرية ؟؟
الله يولع فيهم زي ما هما مولعينها علي الناس كده
33_ اسم حبيبتك الاولي والحالية ؟؟
الاول دا اعجاب مش اكتر وكان اسمها اماني
لكن دلوقتي مفيش
34_ ماذا تفعل فى هذين الموقفين

اذا احببت ووجدت انه لم يحبك
هحاول انساه وعمري طبعا ما هخليه يحبني غصب عنه لانه لو حبني غصب عنه اكيد حبه مش هيدوم
اذا احبك شخص وانت لم تحبه
موقف صعب جدا
باي طريقه هحاول ابين له
35_ لمــــــــــــــــن تقول ؟
ما بلاش نتكلم فى الماضي :الاولاني .
كن صديقى :هو برده
نسيانك صعب اكيد :حسام صاحبي
بحبك :لحبيبي اللي لسه معرفوش
كذاب :اللي يقول الحياة سهلة
مع السلامه :لصحابي اللي معايا في الكليه (اصلهم من بعيييييييد)
افتكرنى : هما برده
كرهتك :مصطفي (دا واحد اهم حاجه عنده الفلوس اهم من اي حاجه تانيه)
زعلان منك :وليد
نور عينى :أمي

36_ ايه رايك فى البنت اللى بتعترف للولد بحبها الاول ؟
رايك بصراحه؟

سؤال جااامد
بصراحة .انا شايف ان العلاقه الصح لازم تكون مبنيه علي الصراحه ما بين الطرفين .. وصلت
كفاية عليك كده بقي
ليه بس لسه بدري
شفت انا طيبة ازاى
جدااااااااااا
انا عارفة انك زعلان عشان انا ماشية
طبعا
بس معلشي
هبقي اجى تانى
اكيد انا مستنيكي
اسئلتك جامده
مع السلامة وربنا يوفقك
سلاااااااااااااااااااااااااااااااام

منه الله فتحى كتب:: اهلا بيك يا ايهاب على كرسى الاعتراف
اهلا بيكي يا منة وعقبالك
انا مش هتقل عليك حاجات بسيطه
براحتك خالص انا معاكي
1- شعورك ايه لما تقول للى بتحبها (بحبك)ولقيتها بتبادلك نفس الشعور؟
طااااااااااااااير
2-ايه احلى موقف مر عليك وعلى طول بتفتكرة؟
هي لما الكلمه دي اتقالتلي موقف جميل اللي كان بس وحش فيه اني مكنتش بتبادل
يلا واهي عدت
3-وايه اصعب موقف مر عليك وبتكرة نفسك لو افتكرته؟
منا بعد كده لما بفتكر الموقف بزعل لاني بعد كده فكرت فيها .
بس مش علي طول برده
4-ومين اكتر واحد او واحدة بتثق فيه وتآتمنه على سرك؟
هيثووووم
5-ايه اكتر اغنيه انت تحب تسمعها على طول؟
وحشتيني - عمرو دياب
ارجوا انى مكنش تقلت عليك
لا والله انتي نورتيني بجد
سلام يا هوباااااااا على رآى هيثم
اوكشن
سلام يا موني علي رأيي

هووووووووووووووبا

انا جيت

منور الكرسي والله

يلا نبدأ

1_ انت شايف ان ليك الحق فى الاطلاع علي رسايل موبايل زوجتك او حبيبتك او خطيبتك ؟؟ طب لو هى رفضت هتعمل ايه ؟؟؟

2_ لو كان هناك اتصال من رجل يطلب زوجتك بالاسم ؟؟ مش يطلب ايدها يعنى
لا عاوز يكلمها .. هتعمل ايه ؟؟؟

3_ جملة تحب تقولها لشخص ما . ما مضمون هذه الجملة ؟؟؟

4_ لو صدف معاك اخر وردة فى العالم . لمن تهديها ؟؟؟

5_ اكمل الفراغات :
عضو محبوب ............
عضو دمه خفيف ...............
عضو رومانسي ................
عضو رخم....................
عضو مطلع عينك ...............
عضو توقيعه رهيب ..................
عضو ردوده مميزة ................

6_ بتفكر فى ايه دلوقتى حالا ؟؟؟

7_ بتحب اسمك ؟؟؟

كفاية عليك كده

يارب ما اكون تقلت عليك

يلا سلام وربنا يوفقك .

هوبااااااااااااااااااااااااااااااااااااااااااااااااا

حبيب قلبى
الكرسى منور يا فنان

انت عارف طبعا انى غايب عن المنتدى لفترة بسبب ظروف قهرية انت عارف الظروف

بس طبعا مش معقولة تبقى قاعد على الكرسى وما اعملش معاك الواجب

شوية اسئلة كدة على السريع مش هطول عليك

بما انك بتحب تغنى وطول النهار مصدعنا هههههههههههههههه

1-اية مخططاتك اللى ناوى عليها لما تتخرج ان شاء الله يا ترى ناوى تغنى ؟

2- انت شايف فعلا ان صوتك حلو ولا الناس بيقولولك كدة مجاملة؟

3-مين اكتر مغنى او مغنية بتسمعلهم؟

4-اية اكتراغنية بتحبها وبتاثر فيك لما بتسمعها ؟

5- منتظم فى صلاتك ولا مقضيها؟ بصراحة يا واد

6-اية رايك فى الظروف اللى احنا فيها دلوقتى من غلو اسعار وكدة من وجهة نظرك المشكلة فين ؟

7- مين اقرب شخص ليك جوه البيت وبره البيت ؟

8- تفتكر فى حب فى الزمن دة ولا البنات بقت بتدور على اللى معاه فلوس بس؟

كفاية عليك كدة عشان انت حبيبى بس
سلام يا هوبا اشوفك بالليل بقى فى الاستاد عشان مطش الكورة ewqa

سلمى كتب:: هووووووووووووووبا
سلمونتي
انا جيت
نورتي
منور الكرسي والله
دا نورك والله
يلا نبدأ
يلا بينا
1_ انت شايف ان ليك الحق فى الاطلاع علي رسايل موبايل زوجتك او حبيبتك او خطيبتك ؟؟
طبعا ليه الحق
طب لو هى رفضت هتعمل ايه ؟؟؟
ايه اللي يخليها ترفض يعني لما تخبي عني امال هتقول لمين ممكن يبقي فيها انفصال
ازاي اكمل مع واحده مخبيه عني حاجه ؟
2_ لو كان هناك اتصال من رجل يطلب زوجتك بالاسم ؟؟ مش يطلب ايدها يعنى
لا عاوز يكلمها .. هتعمل ايه ؟؟؟
ايه الاسئله الغريبه دي...المهم
اعرف مين ده مش يمكن يكون ضملن التليفون او البنك .... يعني مش لازم يكون كده يعني
انما لو كان كده هواللي قصدك عليه دي ممكن يبقي فيها قتل مش انفصال
3_ جملة تحب تقولها لشخص ما . ما مضمون هذه الجملة ؟؟؟
مبقتش تفرق معايا ......لحد في بالي
4_ لو صدف معاك اخر وردة فى العالم . لمن تهديها ؟؟؟
يادي الورد اللي معلقالي عليه
ممكن اهديها لواحد صاحبي اسمه امير
5_ اكمل الفراغات :
مفيش اختيارات
عضو محبوب .....هيثوووووم.......
عضو دمه خفيف .......هاني........
عضو رومانسي ........مانوس........
عضو رخم............بلاش مش عايزين نزعل حد........
عضو مطلع عينك ......عبد الرحمن الكبابجي.........
عضو توقيعه رهيب ........سومة..........
عضو ردوده مميزة .......نودي.........

6_ بتفكر فى ايه دلوقتى حالا ؟؟؟
عايز اكل
7_ بتحب اسمك ؟؟؟
لا
كفاية عليك كده
ما لسه بدري
يارب ما اكون تقلت عليك
لا والله ابداااااااااا
يلا سلام وربنا يوفقك .
امين يارب سلااااااااااااااااااااااااااااااااااااااااااام

show time كتب:: هوبااااااااااااااااااااااااااااااااااااااااااااااااا
اس اس اس اس
حبيب قلبى
حبي حبي حبي
الكرسى منور يا فنان
بنورك ياااااد

انت عارف طبعا انى غايب عن المنتدى لفترة بسبب ظروف قهرية انت عارف الظروف
ايوة عارف الله يكون في عونك
بس طبعا مش معقولة تبقى قاعد على الكرسى وما اعملش معاك الواجب
الله يخليك
شوية اسئلة كدة على السريع مش هطول عليك
علي دماغي من فوق
بما انك بتحب تغنى وطول النهار مصدعنا هههههههههههههههه
بقي كده
1-اية مخططاتك اللى ناوى عليها لما تتخرج ان شاء الله يا ترى ناوى تغنى ؟
لا طبعا دي بس تسليه مش اكتر (وربنا يغنينا بالحلال)
2- انت شايف فعلا ان صوتك حلو ولا الناس بيقولولك كدة مجاملة؟
لا صوتي حلو .. انت ايه رايك
3-مين اكتر مغنى او مغنية بتسمعلهم؟
عمرو دياب طبعا
4-اية اكتراغنية بتحبها وبتاثر فيك لما بتسمعها ؟
حاليا >>(بعد الليالي ) عمرو دياب .
5- منتظم فى صلاتك ولا مقضيها؟ بصراحة يا واد
لا الحمد لله بصلي
6-اية رايك فى الظروف اللى احنا فيها دلوقتى من غلو اسعار وكدة من وجهة نظرك المشكلة فين ؟
طبعا مش عاجبني .
المشكله فين الدنيا كلها بايظه اول حاجه لو في قائد صح
تاني حاجه برده من الناس الناس نايمه
بس حكايه الاضراب اللي حصلت دي عجبتني عرفتني ان الناس لسه بدور علي مصلحتها
7- مين اقرب شخص ليك جوه البيت وبره البيت ؟
جوا البيت أمي
برا البيت الحمد لله في مانوس وهيثم وناس برده كتير متعدش
8- تفتكر فى حب فى الزمن دة ولا البنات بقت بتدور على اللى معاه فلوس بس؟
في حب طبعا بس من غير فلوس ميبقاش في حب
كفاية عليك كدة عشان انت حبيبى بس
لسه بدري ايه السرعه دي
سلام يا هوبا اشوفك بالليل بقى فى الاستاد عشان مطش الكورة
اوكشن i am ready

ايهاب على الكرسى ياهلا ياهلا

منور ياجميل

ازيك الاول

مستعد للاسئلة

على العموم ان كده كده هسال

ماهو اول انطباع الناس بتخده عنك

ماهى اجمل ميزة فى شخصيتك

ماهو اصعب شيئ فى شخصيتك تود التخلى عنه

من هو الشخص الذى يوجهك عندما تخطا

ماهى اكتر كلمة تحب ان تسمعها

ماهى الكلمة اللى تتمنى انها تتمحى من الوجود

كم مرة اتخدعت فى حد عرفته

ماهى الامنية اللى تتمنى تحققها

واية الامنية اللى تحققت لك

ماهو اكتر شيئ ممكن ينرفزك

تقول اية فى هذة الكلمات

الصداقة

الحب

الخيانة

الوضوح

النجاح

الظلم

الفشل

الشهرة

الغرور

شوية كلام عن المنتدى

اية رايك فى منتدى مانوس ككل

واية اكتر شيئ بيميز منتدى مانوس

اية رايك فى اعضاء مانوس

اية رايك تلقب لنا الاعضاء بالالقاب الاتية

من هو العضو المناكف

من هو العضو الحنون

العضو الجرئ

العضو المجنون

العضو الصريح

العضو المتالق

العضو الممل

العضو النشيط

العضو الودود

العضو الواضح

العضو المتميز

العضو المساعد

العضو الصادق

العضو الرومانسى

العضو اللى على القمة

اية مقترحاتك لتطوير المنتدى

كفاية كده

بس اكيد راجعة تانى

عارفة هنور طبعا

سلام ياهوبة

ننوسة كتب:: ايهاب على الكرسى ياهلا ياهلا
اهلا بيكي يا نهي
منور ياجميل
نووووووووووورك
ازيك الاول
الحمد لله تمام
مستعد للاسئلة
ايوووووون
على العموم ان كده كده هسال
هههههههههههه
ماشي
ماهو اول انطباع الناس بتخده عنك
هادي
ماهى اجمل ميزة فى شخصيتك
بفكر كويس قبل ما بعمل
ماهو اصعب شيئ فى شخصيتك تود التخلى عنه
بحب اسمع اغاني اموووت واتخلي عنها
من هو الشخص الذى يوجهك عندما تخطا
خالي
ماهى اكتر كلمة تحب ان تسمعها
هوبة
ماهى الكلمة اللى تتمنى انها تتمحى من الوجود
كره
كم مرة اتخدعت فى حد عرفته
مش كتير يعني بس كام بالظبط مش فاكر
ماهى الامنية اللى تتمنى تحققها
اني اكون متميز في شغلي بعد ما اخلص كليه ان شاء الله
واية الامنية اللى تحققت لك
اني ادخل الكليه اللي انافيها دار العلوم
لاني بحب دراسة اللغه العربيه ... والحمد لله
ماهو اكتر شيئ ممكن ينرفزك
امور الصياعه والبلطجه
تقول اية فى هذة الكلمات

الصداقة
يعني مفيش اسرار ،عطاء بلا مقابل
حب ابدي
الحب
من غيره الدنيا ملهاش لازمه
الخيانة
اصعب شئ في الوجود
الوضوح
جميل جدا ياريت الناس كلها تكون واضحه
النجاح
يارب كلنا نقدر نحققه
الظلم
ربنا يبعدنا عنه
الفشل
اعوذ بالله
الشهرة
شئ جميل انك تكون معروف بيقولوا "معرفة الناس كنوز "
الغرور
ببقي عايز اطحن اللي يبقي مغرور بتخنق منه قوي
شوية كلام عن المنتدى
منتدي مانوس طبعا منتدي جميل ونفسي يبقي اكبر منتدي عربي واحنا بنعمل اللي علينا والباقي علي ربنا
اية رايك فى منتدى مانوس ككل
جميل طبعاااااااااا خصوصا الصداقه اللي موجوده ما بينا في ناس كتير علي فكرة معرفوش بعض الا من المنتدي
وبقوا حبايب كمان
واية اكتر شيئ بيميز منتدى مانوس
منا قولت الصداقه اللي مبينا
اية رايك فى اعضاء مانوس
ناس زي العسل
اية رايك تلقب لنا الاعضاء بالالقاب الاتية

من هو العضو المناكف
هاني
من هو العضو الحنون
فري تو منسس
العضو الجرئ
ممكن... المستحيل
العضو المجنون
سلمي (شقاوة )مش جنون جنون
العضو الصريح
اعتقد انا (هاني قال قبل كده)
العضو المتالق
مانوس
العضو الممل
عبد الرحمن الكبابجي
العضو النشيط
ميدو
العضو الودود
هيثوووم
العضو الواضح
ننوسة
العضو المتميز
سكوفيلد
العضو المساعد
مون لايت
العضو الصادق
نودي
العضو الرومانسى
سومة
العضو اللى على القمة
مانوس
اية مقترحاتك لتطوير المنتدى
اعتقد المنتدي عايز شغل جامد
احنا عايزين نفتح اقسام جديده في المنتدي
وربنا يسهل

كفاية كده
لسه بدري
خلاص اوك
بس اكيد راجعة تانى
وانا مستنيكي تنوري
عارفة هنور طبعا

سلام ياهوبة
سلااااااااااااام يا ننوسه

وسع وسع وسع يا عم الحاج

ميييييييييييييييين إيهاب عادل شخصياً

لالالالالالالالالالالالالالالالالالالالا

أنا مش

لا بقى أنا مصدق

المهم يا باشا أعرفك بنفسي

أنا المستحيل بذاته شخصيا بيمسي على اللي قاعد على الكرسي وبيقولوا اهلا بيك

يا ريس يارب تكون مبسوط

طبعا إنت عارف إني صاحب أجدع واجب هنا والا عندك إعتراض ؟؟؟؟؟؟؟

الاعتراض مرفوض مع المستحيل

المهم يا عمنا

أخبارك وأخبار الصحة ؟ يارب تستمتع معايا وانت قاعد

المهم انا نظام أسئلتي مجموعات وبالتالي هدخلك في متاهة المستحيل بذاته

وهنزل الأسئلة كلها مرة واحدة

فا يلا نبدأ ونقول...........

ما تخافش هخبط الأول أنا عارف

طق طق طق طق طق طق

يااااااااااااااا ساتر

السلام عليكم ورحمة الله وبركاته

المجموعة الأولى :البطاقة الشخصية المفصلة

* اسمك:

*سنك:

* عنوانك :

* طولك :

* وزنك :

* نوع موبايلك :

* دراستك :

* نوع موبايلك :

* لقبك :

* رصيدك :

بيقولك عشان توصل لقلب الرجل لابد أن تكون ماهرا في الطبخ

المجموعة التانية : في المطبخ

*إيه الأكلة اللي بتعرف تعملها ؟ أوعى تقولي بحمر بيض

* إيه الصنف المفضل ليك من الحلويات ؟

* إيه الصنف اللي بتحب تأكله ؟

* الكبسة بتتعمل من إيه ؟

* إيه أكتر حاجة بتحبها من ماما ؟

* بابا بيعرف يطبخ إيه ؟

بس كفاية كده لحسن جوعت

ما علينا

هلف معاك في البيت وهروح أوضتك

المجموعة الثالثة : غرفة الأسرار
* ماذا يخبي إيهاب عادل في غرفته ؟
* ما هو لون غرفتك ؟
* كيف ترى غرفتك ؟
* هل ترى الراحة في غرفتك الخاصة ؟
* هل غرفتك مشتركة مع أخ لك ؟

إيييييييييييييييييييييييييييييه لا يا عم كفاية لحسن هنام

أسيبك تنام وأروح أجري على بقية العيلة

المجموعة الرابعة : العائلة
* كم عدد أفراد الأسرة ؟
* كم عدد أخوانك وأخواتك ؟ وما هي أسماء الأولاد
* هل تجد في إخوانك الصداقة ؟
* كيف هي شخصياتهم ؟
* من الأقرب لك منهم ؟

بس كفاية كده عليك في البيت ........ تعالى ننزل على الشارع شوية ونروح للأصدقاء اللي هما

الصداقة منبع الإخلاص

المجموعة الخامسة : الأصدقاء
* كيف تجد نفسك بين أصدقائك ؟
* كيف تختار أصدقائك ؟ وكيف هي شخصياتهم ؟
* هل يمكنك أن تغضب من صديق قد أهانك وأعتذر ؟
* هل ترى أنك تستحق الصداقة ؟
* هل يمكن للصديق أن يكون الأخ المثالي لك ؟

يالله يا باشا جاوب بس كده

إييييييييييييييييييييه فكرت هسيبك بسهولة كده

لا إنسى يا إيهاب أنا لسة ما خلصتش

بيقولك الأدب الكثير مع العلم القليل خير من العلم الكثير مع الأدب القليل

وبالتالي أكيد عرفت المجموعة الجديدة .......ايوة هي العلم والتعلم

المجموعة السادسة : العلم
* هل انت من هواة حب التعلم ؟
* هل العلم غاية أم هواية ؟
* هل كنت تفضل العلم على الأدب ؟
* ما رأيك في لفظ ( وزارة التربية والتعليم ) ؟
* بنظرك الشخصية ما هي أداب طلب العلم ؟
* يقال أنه لا نهاية للعلم .. فمتى تقول بأنك أكتفيت منه ؟

زهقت ؟؟؟؟؟؟؟؟؟؟

لا أوعى ......والا أقولك براحتك ولا يهمني إزهق زي مانت عايز

بس خلي بالك هتجاوب يعني هتجاوب

يقال ( لكي تكسب المرأة كن حليما في الاستماع إلى كلماتها )

عرفت طبعا المجموعة الجميلة ..واللي بتوجع الدماغ

المجموعة السابعة : المرأة والحب
*ما رأيك في المرأة التي تبين حبها بأفعالها ؟
* كيف للمرأة أن تحب بصدق ؟
* ما رأيك في قول ( أن الحب في نظر المرأة هو حياتها وفي نظر الرجل تجربة ) ؟
* هل للحب قوانين ؟ إذكرها إن كان جوابك بنعم
* متى يقول إيهاب عادل لنفسه أنه يحب ؟
* هل الحب تضحيات ؟

بس يا عمنا بلاش كلام في الحب بلا وجع قلب

انت معايا طبعا

أجيبلك عصير ...طب أي حاجة .... مش عايز طيب براحتك

نكمل بقى كلامنا للمستحيل غاية معتادة فكيف للمستحيل أن يبقى مستحيل إن لم يكمل ما بدأه

فهمت حاجة من اللي قلته ؟؟؟؟؟؟؟؟؟؟؟؟؟؟؟

مش لازم

تعالى هنا عايز أشوف رأيك في ده

المجموعة الثامنة : رأيك إيه
* في اللي يحب وفجأة يسيب حبه من غير مبررات؟
* في اللي يلعب على الحبلين ؟ ( المنافق )
* في المنتدى ؟
* في أعضاء المنتدى ؟
* في الحياة اللي حوليك ؟

من غير لف بقى ولا دوران

المجموعة التاسعة : في الذات
* كيف ينظر إيهاب لنفسه ؟
* ماذا يحب إيهاب في الناس ؟
* إلى أي مدى يصل ذكائك ؟
* أنك كنت قاضي فبماذا تحكم على نفسك ؟ ما تقولش براءة
* كيف تفكر بقلبك ؟

لغاية هنا وهقولك هنغير المحطة

لكل منا غايته وظروفه ومشاغله ودائما ما نقول ظروف أنا مشغول .......فهل لنا بوقفة مع الله

المجموعة العاشرة : في الدين
* من ربك ؟
* عرف التقوى ؟
* إذكر الدعاء الذي يقال عند وجود علامة وجوب السجود في القرآن ؟
* كيف تقيم معلوماتك الدينية ؟
*( البخيل من ذكرت عنده ولم يُصل عليّ ) صلي على النبي عليه أفضل الصلاة والسلام
أكيييييييد عارف قصدي في لفظ الصلاة ( أنا عايز الصلاة الإبراهيمية )

غير يابني المحطة الله يبارك فيك

بص بقى

لو كان يرضيك .............يبقى ما يرضنيش

المجموعة الحادية عشرة : يرضيك ؟؟؟؟
* أتضرب؟
* أتخانق ؟
* أقتل ؟
* أزعل ؟
* أكل ؟
* أسألك ؟

إيه رأيك في دول ممكن تقولي .........

طبعا مش هاخد رأيك لأني بسأل وعايز إجابات

المجموعة الثانية عشرة : أسئلة عامة ( تقول لمين وتديها لمين )
* تقول لمين كلمة أخ ؟
* تقول لمين كلمة كفاية كده حرام عليك ؟
* عايز مين يقعد بعدك على الكرسي ؟
* تقول لمين يا غايب أنت واحشني ؟
* تهدي مين :
* ساعة :
* وردة :
* قلم حبر :
* كف على وشه :
* عطر :
* كلمة حلوة لأن مافيش أحلى منها :
* تقول لمين أجمل كلمة ؟

بس بس بس بس بس

سمع ما تحفظه من الأمثال

المجموعة الثالثة عشرة : أمثال شعبية حرة
* واحدة لسانها طويل ؟
* واحد غباوة العالم فيه ؟
* واحد مغرور ؟
* واحد فاشل ؟
*واحد مقتنع باللي بيعمله ؟

سمع هوووووووووووووووووووووووووووووووووووووووووس

الناس الحلوة .. والطعمة .... والطيبة .......

ما تخافش مش هعمل فرح بس هعمل مقدمة لأحلى مجموعة متألقة دايما بختم بيها عملي المتواضع

متواضع والا لاء

آآآآآآه بحسب تقول غير كده كنت هـــــ ...........................بلاش لحسن أنت مش قدي

هههههههههههههههههههههههههههههههههههههههههههههههه

والآن عزيزي العضو إيهاب عادل

مرحبا بك مع المجموعة الجميلة والمتألقة بذاتها والمرحب بيها دائما وأبدا

وغصباً عن الكل

نقدم لك المجموعة الذهبية

مجموعة أنا المستحيل بذاته
* بنظرك أوصف المستحيل ؟
* إيه رأيك في الواجب اللي عمله معاك المستحيل ؟
* إيه رأيك في المستحيل ؟

وطلب أخير يا عمنا دعوة حلوة لأخوك المستحيل بذاته

وبس كده كفاية عليك

الله ينور يا باشا

وأخر الكلام هو ما بدأنا به الكلام

والسلام عليكم ورحمة الله وبركاته

أنا المستحيل بذاته كتب:: وسع وسع وسع يا عم الحاج
ميييييييييييييييين إيهاب عادل شخصياً

ايون يون

لالالالالالالالالالالالالالالالالالالالا

أنا مش
لا صدق عادي بتحصل

لا بقى أنا مصدق

هههههههههههههه

المهم يا باشا أعرفك بنفسي

مش محتاج يا باشا

أنا المستحيل بذاته شخصيا بيمسي على اللي قاعد على الكرسي وبيقولوا اهلا بيك
اهلا بيك يا كبير
يا ريس يارب تكون مبسوط
الحمد لله
طبعا إنت عارف إني صاحب أجدع واجب هنا والا عندك إعتراض ؟؟؟؟؟؟؟
اكييييييييييييييد مهو باين
الاعتراض مرفوض مع المستحيل
انا اقدر اتكلم
المهم يا عمنا
هااااااااااااااااا
أخبارك وأخبار الصحة ؟ يارب تستمتع معايا وانت قاعد
الحمد لله ، ان شاء الله هيبقي في متعه وتشويق وكل حاجه
المهم انا نظام أسئلتي مجموعات وبالتالي هدخلك في متاهة المستحيل بذاته
اوك ، ان معاك
وهنزل الأسئلة كلها مرة واحدة
اوكشن
فا يلا نبدأ ونقول...........
يلا بينا
ما تخافش هخبط الأول أنا عارف
طق طق طق طق طق طق
مييييييييييييييييين
يوه ميييييييييين
يااااااااااااااا ساتر
اتفضل تعالي
السلام عليكم ورحمة الله وبركاته
وعليكم السلام
المجموعة الأولى :البطاقة الشخصية المفصلة
* اسمك: إيهاب عادل محمد
*سنك: 21
* عنوانك : مصر ،البحيرة ، رشيد ، ش محمد فريد (بالظبط اهه)

* طولك : حوالي (180)

* وزنك : 63 تقريبا
* نوع موبايلك : k310i_ sony ericsson
* دراستك : في رابعه كايه دار العلوم جامعة الفيوم
* لقبك : الفنان علشان بحب اغني في ناس مش كله يعني بيقولولي كده
* رصيدك : ليه الاحراج بس (يجي 6 جنيه كده) مش عارف كام بالظبط .
بيقولك عشان توصل لقلب الرجل لابد أن تكون ماهرا في الطبخ
بيقولو
المجموعة التانية : في المطبخ
اوكشن
*إيه الأكلة اللي بتعرف تعملها ؟ أوعى تقولي بحمر بيض
ههههههههه
لا بعرف اعمل المكرونه الحمد لله
* إيه الصنف المفضل ليك من الحلويات ؟
بموت في اي حاجه حلو
* إيه الصنف اللي بتحب تأكله ؟
المحشي جااااااامد
* الكبسة بتتعمل من إيه ؟
الله اعلم
(امو رز ولحمه) هههههههه
* إيه أكتر حاجة بتحبها من ماما ؟
كل حاجه من ماما جميله
* بابا بيعرف يطبخ إيه ؟
يعني مش كله الخفيف بس ملوش بقي في الطبخات التقيلة
بس كفاية كده لحسن جوعت
انا اكتر
ما علينا
ما علينا
هلف معاك في البيت وهروح أوضتك
اوكشن تنوووور
المجموعة الثالثة : غرفة الأسرار
* ماذا يخبي إيهاب عادل في غرفته ؟
والله ما مخبي حاجه
* ما هو لون غرفتك ؟
الابيض الهادي
* كيف ترى غرفتك ؟
واسعه
* هل ترى الراحة في غرفتك الخاصة ؟
اكيد
* هل غرفتك مشتركة مع أخ لك ؟
ايون
إيييييييييييييييييييييييييييييه لا يا عم كفاية لحسن هنام
هههههههههههههههه
أسيبك تنام وأروح أجري على بقية العيلة
اوك تصبح علي خير
المجموعة الرابعة : العائلة
* كم عدد أفراد الأسرة ؟
5
* كم عدد أخوانك وأخواتك ؟ وما هي أسماء الأولاد
اخوات اتنين ولد وبنت واخويا اسمه محمد
* هل تجد في إخوانك الصداقة ؟
مع اخويا ممكن ، انما اختي لسه صغيرة
* كيف هي شخصياتهم ؟
محمد اخويا عكس مني خالص وقولت اختي لسه صغيرة ايه مبتسمعش
* من الأقرب لك منهم ؟
محمد طبعا

بس كفاية كده عليك في البيت ........ تعالى ننزل على الشارع شوية ونروح للأصدقاء اللي هما
يلا بينا
الصداقة منبع الإخلاص
بيقولو
المجموعة الخامسة : الأصدقاء
* كيف تجد نفسك بين أصدقائك ؟
الحمد لله تمام الفنان اللي فيهم ..هههههههههههه
* كيف تختار أصدقائك ؟
احنا اصلا مع بعض من ثانوي وكلنا في كليات يعني كلهعم نفس المستوي الفكري (واعتقد دي اهم حاجه في الصداقه اننا نكون متفقين )
وكيف هي شخصياتهم ؟
ناس ميه ميه هنهم ناس كتير في المنتدي شوف انت بقي
* هل يمكنك أن تغضب من صديق قد أهانك وأعتذر ؟
اهانه اهانه ..طبعا لازم اغضب بس مستحيل حد يعمل منهم كده
بس لو عمل اكيد هزعل ولو اعتذر ممكن اسمحه بس مش هبقي زي الاول (دا لو اهانه اهانه).
* هل ترى أنك تستحق الصداقة ؟
الحمد لله استحقها هو انا وحش قوي كده
* هل يمكن للصديق أن يكون الأخ المثالي لك ؟
ممكن قوي ليه لا لو صديق بجد
يالله يا باشا جاوب بس كده
مش معقول بس كده
(انا بهزر عارف ان لسه في تحت)

إييييييييييييييييييييه فكرت هسيبك بسهولة كده
يمي تصدق اتخضيت
لا إنسى يا إيهاب أنا لسة ما خلصتش
اما نشوف اخرتها
بيقولك الأدب الكثير مع العلم القليل خير من العلم الكثير مع الأدب القليل
وبالتالي أكيد عرفت المجموعة الجديدة .......ايوة هي العلم والتعلم
المجموعة السادسة : العلم
* هل انت من هواة حب التعلم ؟
اه جدا مع اني ممكن مكنش متابع قوي بس فعلا انا من هواة العلم
* هل العلم غاية أم هواية ؟
علي حسب في ناس وخداه غاية لحاجه وناس هوايه
بس اعتقد انه غاية لمعرف العالم وما يدور فيه وخارجه
* هل كنت تفضل العلم على الأدب ؟
لا عمر ابدا ما يبقي واحد متعلم ومش مؤدب معتقدتش لازم الاتنين مع بعض
* ما رأيك في لفظ ( وزارة التربية والتعليم ) ؟
هو المفروض الاسم ده زمان كان بيدل علي الوزارة اللي شغلها تعليم الجيل الصاعدوتخرجيهم حاصلين علي التربية والتعليم دلوقاتي مش كده خالص
* يقال أنه لا نهاية للعلم .. فمتى تقول بأنك أكتفيت منه ؟
عمري طبعا ما هقول كده (الانسان بيفضل يتعلم لحد مايموت)
زهقت ؟؟؟؟؟؟؟؟؟؟
لااااااااااااااااااااااااااااااااااا حد يزهق وانت معاه
لا أوعى ......والا أقولك براحتك ولا يهمني إزهق زي مانت عايز
لا والله ما زهقت
بس خلي بالك هتجاوب يعني هتجاوب
اوك
يقال ( لكي تكسب المرأة كن حليما في الاستماع إلى كلماتها )
اممممممممم
عرفت طبعا المجموعة الجميلة ..واللي بتوجع الدماغ
ايوة
.................................................
v
v
v

المجموعة السابعة : المرأة والحب
*ما رأيك في المرأة التي تبين حبها بأفعالها ؟
مش وحش بس مش تفضل هيمانه يعني
* كيف للمرأة أن تحب بصدق ؟
وانا كنت مرأة علشان اعرف
* ما رأيك في قول ( أن الحب في نظر المرأة هو حياتها وفي نظر الرجل تجربة ) ؟
والله انا سمعت انا البنت لما بتحب بتموت نفسها مش بتحب بس لكن لما بتقلب (ياساتر ربنا يحفظنا)
انما الرجل بيحب برده وكلمة تجربة دي لا عمرها ماتمشي ابدا معانا (الحب حب لو علي مين )
لكن برده عايز اقول حاجه البنات بيبقوا عاطفيين شويه يعني ابسط مثال تلاقي البنت حاطه قلب ومش عارف ايه في توقيعها وفي الاميل وتلاقي المخده قلب والمادليه والموبيل .......(صح كلامي) وكل حاجه انما الرجال مش قوي كده
* هل للحب قوانين ؟إذكرها إن كان جوابك بنعم
لا، من غير قوانين ، من غير ترتيب هتلاقي نفسك وغضب عنك بتحب
* متى يقول إيهاب عادل لنفسه أنا يحب ؟
لما ابقي خلاص مش قادر (ساعتها هعترف لنفسي)
اني اعترف لنفسي دي صعبه معناها اني خلاص فتحت لقلبي السكه انه يحب ويعيش
* هل الحب تضحيات ؟
الحب تضحيات (ازاي ) لا فيه تضحيات لما تحب ممكن تضحي للي بتحبه بس برده بالعقل
بس يا عمنا بلاش كلام في الحب بلا وجع قلب
اه والله عند حق وجع قلب
انت معايا طبعا
اكيد اكيد
أجيبلك عصير ...طب أي حاجة .... مش عايز طيب براحتك
لا بقي انا عاوز
نكمل بقى كلامنا للمستحيل غاية معتادة فكيف للمستحيل أن يبقى مستحيل إن لم يكمل ما بدأه
طيب فين العصير
انت ياعم العصير يا حج
فهمت حاجة من اللي قلته ؟؟؟؟؟؟؟؟؟؟؟؟؟؟؟
لا الحمد لله
مش لازم
اوك عديها ، بس مش هنسي العصير
تعالى هنا عايز أشوف رأيك في ده
اوك
المجموعة الثامنة : رأيك إيه
* في اللي يحب وفجأة يسيب حبه من غير مبررات؟
دا انسان عبيط منه لنفسه كده ، بكرة يندم
* في اللي يلعب على الحبلين ؟ ( المنافق )
محبوش ابدا ربنا يبعدنا عنه
* في المنتدى ؟
جامد بس محتاج شغل جامد
* في أعضاء المنتدى ؟
ناس زي العسل
* في الحياة اللي حوليك ؟
ساعات ببقي مبسوط منها بسبب حاجات فيها وساعات ببقي خلاص مش طايق نفسي
واهه ماشي الحال
من غير لف بقى ولا دوران
من غير لف
المجموعة التاسعة : في الذات
* كيف ينظر إيهاب لنفسه ؟
اكيد عمر ما شوفت نفسي كويس بحس اني محتاج تغيير ( مين فينا كل حياته صح؟؟ )
* ماذا يحب إيهاب في الناس ؟
الاحترام ، التدين ، الود
* إلى أي مدى يصل ذكائك ؟
ممكن 90%
* أنك كنت قاضي فبماذا تحكم على نفسك ؟ ما تقولش براءة
خلاص امال اقول ايه يعني خليها اعدام ولا تزعل هههههههههه
ممكن احكم علي نفسم بسنه سجن يلا كده كويس ؟
* كيف تفكر بقلبك ؟
لا بفكر بعقلي الحمد لله
لغاية هنا وهقولك هنغير المحطة
احسن برضه
لكل منا غايته وظروفه ومشاغله ودائما ما نقول ظروف أنا مشغول .......فهل لنا بوقفة مع الله

المجموعة العاشرة : في الدين
* من ربك ؟
لا اله الا الله محمد رسول الله
* عرف التقوى ؟
علي ما فاكر >((ان ترعي الله في جميع افعالك واقولك وان تعلم ان الله ينظر اليك وهو سبحانه وتعالي يعلم ظاهرك وباطنك))
* إذكر الدعاء الذي يقال عند وجود علامة وجوب السجود في القرآن ؟
سجد وجهي للذي خلقه وشق سمعه وبصره بحوله وقوته.
* كيف تقيم معلوماتك الدينية ؟
مهو ان في كليه دار العلوم والحمد لله نص دراستي في الشريعة الاسلاميه
*( البخيل من ذكرت عنده ولم يُصل عليّ ) صلي على النبي عليه أفضل الصلاة والسلام
أكيييييييد عارف قصدي في لفظ الصلاة ( أنا عايز الصلاة الإبراهيمية )
اللهم صلي على محمد وعلى آل محمد كما صليت على إبراهيم وعلى آل إبراهيم في العالمين إنك حميد مجيد .. وبارك على محمد وعلى آل محمد كما باركت على إبارهيم وعلى آل إبراهيم في العالمين إنك حميد مجيد
غير يابني المحطة الله يبارك فيك
يلا بينا
بص بقى
ايوووووووووووووون
لو كان يرضيك .............يبقى ما يرضنيش
ايه بس اللي حصل
المجموعة الحادية عشرة : يرضيك ؟؟؟؟
* أتضرب؟ لا طبعا
* أتخانق ؟ لا ميرضينيش
* أقتل ؟ لا ميرضينيش
* أزعل ؟ لا لا لا
* أكل ؟ لوحدك ميرضينيش
* أسألك ؟ بعد كل ده بعد كل الاسئله دي ، يرضيني

إيه رأيك في دول ممكن تقولي .........

طبعا مش هاخد رأيك لأني بسأل وعايز إجابات
اوكشن شن شن

المجموعة الثانية عشرة : أسئلة عامة ( تقول لمين وتديها لمين )
* تقول لمين كلمة أخ ؟ وليد واحد جاري
* تقول لمين كلمة كفاية كده حرام عليك ؟ الزعيم الكبير بتاعنا
* عايز مين يقعد بعدك على الكرسي ؟ انت ان شاء الله علشان تتسلخ زي مانا مسلوخ اساله كده
* تقول لمين يا غايب أنت واحشني ؟ حسام صاحبي
* تهدي مين :
* ساعة : لنفسي مع اني معاي موبيل بس عدتي التأخير مزاج
* وردة :
* قلم حبر :
* كف على وشه : ههههههه لأي حد بيشرب سجاير اوعي تكون بتشرب ههههههههه
* عطر : ليك يا عم علي اسئلتك الجميله دي
* كلمة حلوة لأن مافيش أحلى منها : كلمه بحبك لأمي
* تقول لمين أجمل كلمة ؟ بحبك برده لحبيبي صلي الله عليه وسلم .

بس بس بس بس بس
اوك بس ابقي صلي عليه ومبتبقاش بخيل
سمع ما تحفظه من الأمثال
اه ربنا يستر طيب مفيش مساعدة
المجموعة الثالثة عشرة : أمثال شعبية حرة
* واحدة لسانها طويل ؟ (لسانك حصانك ان صونته صانك)
* واحد غباوة العالم فيه ؟
* واحد مغرور ؟
* واحد فاشل ؟
*واحد مقتنع باللي بيعمله ؟ (القناعه كنز لا يفني )
هو ده اللي فاكره

سمع هوووووووووووووووووووووووووووووووووووووووووس

الناس الحلوة .. والطعمة .... والطيبة .......
وسمعني احلي سلام
تار تار تا تا
ما تخافش مش هعمل فرح بس هعمل مقدمة لأحلى مجموعة متألقة دايما بختم بيها عملي المتواضع
اوكشن
متواضع والا لاء
الحمد لله
آآآآآآه بحسب تقول غير كده كنت هـــــ ...........................بلاش لحسن أنت مش قدي
اه طبعا منا متواضع بقي من حقك
هههههههههههههههههههههههههههههههههههههههههههههههه
هههههههههههههههههه
والآن عزيزي العضو إيهاب عادل
ايون يا فندن
مرحبا بك مع المجموعة الجميلة والمتألقة بذاتها والمرحب بيها دائما وأبدا
اهلا بسعدتك
وغصباً عن الكل
يااادي القرف ههههههههههههههههههه
نقدم لك المجموعة الذهبية

مجموعة أنا المستحيل بذاته
* بنظرك أوصف المستحيل ؟
المستحيل هو شؤ الصعب حدوثه او فعله وهذة الصعويه (واخد بالك انت معايا)من شدتها ادت لاستحاله وجوده فسمي مستحيلا
* إيه رأيك في الواجب اللي عمله معاك المستحيل ؟
تمام
انا بجد شبعت اسئلة
* إيه رأيك في المستحيل ؟
تمام مظبطني اهه
وطلب أخير يا عمنا دعوة حلوة لأخوك المستحيل بذاته

بس كده انت تؤمر
اسأل الله لك يا اخي التوفيق في الحياة العلمية والعمليه وان يوفقك الله لما يحبه ويرضاه
والحياة الزوجية السعيده القائمه علي طاعه الله واسأل الله لي و لك حسن الخاتمه وشفاعه محمد صلي الله عليه وسلم وان يكون مسواك الجنه
امين امين
بس ابقي قول امين

وبس كده كفاية عليك
ليه محنا قاعدين
الله ينور يا باشا
بنورك يا جميل
وأخر الكلام هو ما بدأنا به الكلام
والسلام عليكم ورحمة الله وبركاته
وعليكم السلام
طيب عايزين نبقي نشوفك
سلاااااااااااااااااااااااااااااام

ايه دا انا مش مصدق ودنى

RYDRY

سامع صوت حلو جاى من ناحية الكرسي

وكمان شايف نور جاى من هناك

اذا المعادلة هى

صوت حلو + نور = ايهاب عادل على كرسي الاعتراف

منور يا سوبر ستار الاغنية الحديثة

نسال بقى يا صاحبي

1- ماذا تتوقع لايهاب عادل بعد 10 سنوات من الآن ؟
2- اخبار المذاكرة ايه؟
3- بتعمل ايه لما تبقى مخنوق من المذاكرة؟
4- هل انت ضعيف الشخصية؟
5- ماهى حدود ثقتك بنفسك؟
6- اهلاوى ولا زملكاوى ؟
7- رياضتك المفضلة ؟
8- مكانك المفضل؟
9- اين يضع ايهاب نفسه بين الناس ؟
10- ايه رأيك في المطربين دول
تامر حسني - عمرو دياب - اليسا - شيرين - هيفاء ( ياريت هيفاء بالذات بصراحة وميدو عارف السبب ).

11- بتسمع لمين من الجيل القديم؟
12- ايه رأيك في شغب الملاعب ؟
13- ايه رأيك في اللى عمله الحضري ؟
14- لما بتلعب كورة مع هيثم والشلة !! مين اللى بيكسب ؟
15- عاوز منك تلخيص لايهاب عادل في سطرين؟
16- لو مكنتش مصري كنت تتمنى تبقى ايه ؟ جاوب بصراحة
17- لو قالوا لك غير اسم ايهاب هتختار ايه؟
18- لما ربنا يكرمك وتتجوز هتجيب كم مولود ؟ وهتسميهم ايه ؟
19- طبعا انت فاضل لك تيرم باذن الله وتبقى عاطل اد الدنيا ؟ ايه شعورك دلوقت وانت خلاص كلها شهرين ونص وتخلص؟
20- بتخاف من الحشرات ؟
21- ايه اكتر موقف مرعب حصل لك في حياتك؟
22- اتسرقت كام مرة قبل كدا؟
23- لو قاعد ولقيت واحد دمه تقيل في وسط الشلة بتتصرف ازاى؟
24- وتعمل ايه لو قال لك نكتة بايخة !! هتتصرف ازاى؟
25- تعمل ايه لو واحد طلع عليك في شارع ضلمة وفي ايده سكينة وعاوز يقلبك ؟

كفاية عليك كدا يا هوباااااااااا

سلام يا صاحبي

لو مكنتش مشغول اكيد هرجعلك

wae4

Hany_Dawood2010 كتب:: ايه دا انا مش مصدق ودنى

سامع صوت حلو جاى من ناحية الكرسي
ههههههههههههههههههههههه
وكمان شايف نور جاى من هناك
يخرب كلامك يا جدع والمصحف بتحرجني
اذا المعادلة هى

صوت حلو + نور = ايهاب عادل على كرسي الاعتراف

منور يا سوبر ستار الاغنية الحديثة
دا نورك والله ياهاني انتم السابقون

نسال بقى يا صاحبي
انا معاك يا حبي
1- ماذا تتوقع لايهاب عادل بعد 10 سنوات من الآن ؟
يعني يكون عندي 31 يا ما اكون متجوز ومخلف وشغال مدرس ودا مش متوقعه
اللي متوقعه اني ابقي لسه بكون نفسي
2- اخبار المذاكرة ايه؟
يعني لسه في الاول
3- بتعمل ايه لما تبقى مخنوق من المذاكرة؟
لا انا لو اتخنقت مذاكرش اصلا وانا اخنق نفسي ليه
4- هل انت ضعيف الشخصية؟
لا انا شخصيتي قويه الحمد لله بس متسامح شوية
5- ماهى حدود ثقتك بنفسك؟
والله كنت متعود علطول لما اجي البس حاجه جديدة وكده كنت اسأل اي حد (من صحابي يعني) يقولي يا ابني خلي عندك تقه في نفسك (كنت هه) انما دلوقتي الحمد لله الواحد من اول ما دخل كليه مر بحاجات زودتني ثقه في نفسي ، يعني من الاخر في ثقه
6- اهلاوى ولا زملكاوى ؟
اهلاوي (اوعي تزعل )
هههههههههههه
7- رياضتك المفضلة ؟
الغناء
اصلي بعاني وانا بغني
لا بصراحه كرة القدم
8- مكانك المفضل؟
رشيد لاني بسافر الفيوم الكليه وكده وشغل في اسكندريه ساعات فبلف بس برتاح لما بجي رشيد
9- اين يضع ايهاب نفسه بين الناس ؟
الحمد لله متواضع محترم وكده
10- ايه رأيك في المطربين دول
تامر حسني :
مستواه قل يعني كل شريط بيعمله مستواه بيقل عن اللي قبله بس اتوقع ان شريطه اللي جاي هيبقي جامد(حاسس كده )
بس هو متسهوك شوية
- عمرو دياب -
دا بقي الاسطورة التي لن تتكرر.
اليسا -
احساس عالي بس شرايطها رتم واحد
بس نفسي قوي ولو مرة واحدة اشوفها لابسه حاجه محترمه (ياعم اخي)
شيرين -
طبعا جامده جدا بس اتاخرت قوي في شريطها .
وكمان شيرين لما بتعمل حاجه بتعملها صح
هيفاء ( ياريت هيفاء بالذات بصراحة وميدو عارف السبب ).
بصراحه والله ما لها لازمه انت قصدك علي الامكانيات ههههههههه
لا اكيد عاليه طبعا الصراحه راحه
11- بتسمع لمين من الجيل القديم؟
ييييييييي متعدش ام كلثوم عبدالحليم ساعات نجاة شاديه
12- ايه رأيك في شغب الملاعب ؟
لا طبعا مش كويس خالص لازم يكون في روح رياضيه اكتلر من كده
13- ايه رأيك في اللى عمله الحضري ؟
لا غبي طبعا خسر جمهوره وناسه بكرة يندم
وبعدين ازاي عايز يبني مستقبله مش كفايه الملايين اللي بياخدهم (الطمع وحش)
14- لما بتلعب كورة مع هيثم والشلة !! مين اللى بيكسب ؟
غالبا هيثم اصله حريف شويه انما حنا واخدنها هزار يعني
15- عاوز منك تلخيص لايهاب عادل في سطرين؟
بصراحه يا هاني محبش (او ممكن معرفش )اتكلم عن نفسي
16- لو مكنتش مصري كنت تتمنى تبقى ايه ؟ جاوب بصراحة
مش عايز اقول اللي بيتقال (لو لم اكن مصريا لوددت ان اكون مصريا ) مع اني كده بجد
لكن الحمد لله زي ما انت شايف الاسعار عال والجو جميل وكل حاجه تمام
ايه بقي اللي يخليني نفسي في حاجه تانيه
بس انا نفسي بصراحه اروح دبي اشتغل بس اكيد هرجع مصر تاني
17- لو قالوا لك غير اسم ايهاب هتختار ايه؟
محمد مع اني حاسس انه ميلقش عليه بس بحبه
18- لما ربنا يكرمك وتتجوز هتجيب كم مولود ؟ وهتسميهم ايه ؟
ولد وبنت
اسامي ممكن البنت سلمي والولد محمد
كده كويس شغااااااااااااال
19- طبعا انت فاضل لك تيرم باذن الله وتبقى عاطل اد الدنيا ؟ ايه شعورك دلوقت وانت خلاص كلها شهرين ونص وتخلص؟
دلوقتي خلاص طبعا زهقت هموت واخلص بس حاسس اني بعد كده هقول يا رتني كنت لسه في الكليه
20- بتخاف من الحشرات ؟
لاااااااااااااااا عيب عليك بقرف بس
21- ايه اكتر موقف مرعب حصل لك في حياتك؟
هو مرعب وتقدر تقول تحذير مرة كنا ريحين اسكندريه انا والاخوة(هيثم واسلام وجوجي)وعلي الطريق واحنا يدوبك عدينا كده وراحوا عربيتين دخلوا في بعض يعني يدوبك احنا عدينا من النص دخلوا في بعض طبعا في واحد مات (الله يرحمه)
22- اتسرقت كام مرة قبل كدا؟
مرة وانا صغير العجله بتاعتي اتسرقت بس رجعتها تاني
23- لو قاعد ولقيت واحد دمه تقيل في وسط الشلة بتتصرف ازاى؟
بقولوا ارحمنا كفايه نفختنا
هههههههههههههههه
انا مبتكسفش في دي بذات
24- وتعمل ايه لو قال لك نكتة بايخة !! هتتصرف ازاى؟
عادي هواجهه بالصراحه
25- تعمل ايه لو واحد طلع عليك في شارع ضلمة وفي ايده سكينة وعاوز يقلبك ؟
مهو حسب الواحد ده افرد جته يعني
هجري طبعا انما لو لوغير كده ربنا يسهل بقي بس اوعدك انه مش هياخد حاجه
كفاية عليك كدا يا هوباااااااااا
لااااااااااااااااااااااااااااا لسه بدري
سلام يا صاحبي
خلاص اوك

لو مكنتش مشغول اكيد هرجعلك
اوك يا حبي وشكرا جدا علي اسئلتك الجميله دي

الحمد لله براءة احمدك يارب كده تمام قوي اما نشوف من القادم

وسع وسع يا عمنا أنا لسة ما خلصتش

أنا جاي لإيهاب عادل شخصيا وسع من سكتي كده

لحسن أجيبك الأرض

أخبارك إيه يا واد أنت ما تخافش أنا مش جاي أضايفك أنا جاي بس أتخانق معاك

وأقولك كلمتين وأمشي على طوووووووووووووول

والكلمة هيا

شكرا ليك يا هوبا على إجاباتك الحلوة والجميلة دي واللي بجد أمتعتنا

وربنا يوفقك يا باشا ويرزقك كل خير

وعلى فكرة قبل ما أنسى

أنا ما نسيتش العصير اللي جيبتلك سيرته في حوارنا الطوووووويل

لأن شكلك كده قلت عليا بخيييييييل

صح ؟ قلت والا ما قلتش ........أنا عارف إنك قلت

هو انا فعلا بخيل بس مش على حبايبي والله

بس أنا كنت عايز أختم معاك وأقولك

إشرب العصير

كرسى الاعتراف "معانا العضوه المميزه D&ampH" - صفحة 19 S_kshcool_2465

كرسى الاعتراف "معانا العضوه المميزه D&ampH" - صفحة 19 S_kshcool_2465

وبالهنا والعافية عليك

وأحلى سلام على قلبك

[/size][/center]

رائع جدا

الفكره بتاعة وعد العيون حلوه اوي

انا عضو جديد في المنتدى ممكن اتعرف على الاعضاء الموجودين علي طول

أنا المستحيل بذاته كتب:: وسع وسع يا عمنا أنا لسة ما خلصتش

أنا جاي لإيهاب عادل شخصيا وسع من سكتي كده

لحسن أجيبك الأرض
ههههههههههههه
أخبارك إيه يا واد
الجمد لله تمااااااااااااااااااام
أنت ما تخافش أنا مش جاي أضايفك أنا جاي بس أتخانق معاك
ليه بس كده
وأقولك كلمتين وأمشي على طوووووووووووووول
انا معاك

والكلمة هيا

هااااا

هاااااااااااااااااااااا

وبعدين في الاشتغالات دي

لسه بدري ولا ايه

شكرا ليك يا هوبا على إجاباتك الحلوة والجميلة دي واللي بجد أمتعتنا
يا راجل خضتني
ههههههههههههههههه
انا بجد استمتعت بالاسئله واتمني ان الناس اللي سألتني استمتعوا
وربنا يوفقك يا باشا ويرزقك كل خير
كلنا يارب
وعلى فكرة قبل ما أنسى
يا نعم
أنا ما نسيتش العصير اللي جيبتلك سيرته في حوارنا الطوووووويل
اه انا كنت هزعل قوي لو عدي الاسبوع ومشربتوش

لأن شكلك كده قلت عليا بخيييييييل
طبعااا
صح ؟ قلت والا ما قلتش ....قولت ....أنا عارف إنك قلت

هو انا فعلا بخيل بس مش على حبايبي والله

بس أنا كنت عايز أختم معاك وأقولك

إشرب العصير

وبالهنا والعافية عليك
الله يخليك يارب
وأحلى سلام على قلبك
الله يسلمك وعقالك كده اما نشوفك قاعد علي الكرسي يا جميل ومتظبط اسئلة
سلااااااااااااااام
[/size][/center]

العضوه المميزه سلمى
هى ضيفه هذا الاسبوع
واضح ان الناس كلها بتحبها علشان كده الاغلبيه صوتلها
يله كل يخش يسال سلمى
واول سوال منى لسلمى
ايه شعورك يا سلمى كده وانتى على الكرسى؟