فين البشر ؟؟ فين ايام زماااااااااااان ؟؟!! لازم تدخل

السلام عليكم ورحمه الله وبركاته

اولا انا عملت التوبيك ده لأنى انا مضايقه اوى

ايه اللى بقينا فيه ده

** فين الناس اللى فى مانوووووووووووووس ؟؟ **

راحت فين ؟؟

كنت اجى ادخل المنتدى الاقى 20 و 18 عضو

بقى دلوقتى ادخل يووم ما يكون كتير الاقى 4

بقى فى ملل من قلة الناس وده احساس وحش اوى

بعد ما كان الواحد بيدخل علشان يفرفش

ويشوف توبيكات ويتكلم مع اصحاب بجد

ياخسارة بجد يا خسارة

انـا عايزة اجابة مقنعة للى احنا فيه ده ؟؟؟؟؟!!!

بليـز محدش يزعل منى انى عملت التوبيكـ ده

واتكلمت بصراحه

وبليـــــــز مش عاوزة تجاهل

وعايزة رد ببكل صراحة

عندك حق والله يادعاء حاجه تحزن بجد

انا الاول اما كنت بدخل كنت بلاقى المنتدى مليان اعضاء

دلوقتى هما كام عضو الى دايما موجودين

وكمان مش الاعضاء بس الى مبقتش تدخل كمان المشرفين

فياريت من كل عضو او كل مشرف هنا فى مانوس

انه يرجع للمنتدى تانى بجد المنتدى ده كان بيت لينا كلنا

شكرا ليكى يادعاء على اهتمامك بحال المنتدى

وياريت نلاقى الناس معانا هنا تانى

السلام عليكم ورحمة الله وبركاتة
والله انا ببقي نفسي افضل في المنتدي علطول بس بجد انا مشغولة اوي في الدروس
معلش اعذروني بس وعد مني اول لما ابقي فاضية هدخل علطول
وادعولي ان ربنا ينجحني انا في ثانوية عامة

اولا بحب اشكرك يا دعاء على نشاطك الجامد ده
واهتمامك بيه
اما بقى بسبب قلة الاعضاء فهى مش بتبقى كده
بس هى ظروف والله يا دعاء
اللى فى ثانوية عامة واللى فى كليته
واللى مسافر بره شغل
وده مايمنعش ان فى ناس مطنشه برضه بمزاجها
وانا والله حزين اوى على حال المنتدى كده
مكنش كده خالص
كنت تلاقى الاعضاء ملين الدنيا
ومواضيع وحاجات جامدة
بس مش عارف ايه اللى حصل ده
ياريت الكل يرجع زى الاول

دلوقتي يا دودو احنا في دراسة وشغل و محدش فعلا فاضي عشان ياخد نفسه حتى ولو الموضوع راجع ليا انا هقعد كل يوم بس كل ما اجي اقعد بابا او ماما يقولولي اومي زاكري واكيد مش انا بس كدة في المنتدى

only_you كتب:: عندك حق والله يادعاء حاجه تحزن بجد

انا الاول اما كنت بدخل كنت بلاقى المنتدى مليان اعضاء

دلوقتى هما كام عضو الى دايما موجودين

وكمان مش الاعضاء بس الى مبقتش تدخل كمان المشرفين

فياريت من كل عضو او كل مشرف هنا فى مانوس

انه يرجع للمنتدى تانى بجد المنتدى ده كان بيت لينا كلنا

شكرا ليكى يادعاء على اهتمامك بحال المنتدى

وياريت نلاقى الناس معانا هنا تانى

اه يا محمد مش الاعضاء بس المشرفين كمان

بس برده الواحد مش عارف ليه ؟!.. تتفتكر فعلا السبب الرئيسى الشات

ده حتى التوبيكات اللى بتتعمل قليل قوى اللى بيشاركـ فيها

فعلا المنتدى ده كان بيتنا بس البيت بقى فاضى اوى على الكل

ياريت الناس بجد ترجع

ميرسى جدا ليكـ يا محمد على ردكـ ومشاركتكـ فى الحوار

وياريت مانووووس يرجع زى ما كان

يــــاريـــت

ملكة الاحساس كتب:: السلام عليكم ورحمة الله وبركاتة
والله انا ببقي نفسي افضل في المنتدي علطول بس بجد انا مشغولة اوي في الدروس
معلش اعذروني بس وعد مني اول لما ابقي فاضية هدخل علطول
وادعولي ان ربنا ينجحني انا في ثانوية عامة

وعليكم السلام ورحمه الله وبركاته

بصى يا ملكة الاحساس انتى عندكـ ظروف .. اوكـ

ربنا معاكى يارب

بس لما بيكون فى وقت فاضى انتى بتدخلى

انا بتكلم ان فى ناس مش بتدخل خاالص

ده حتى لو شفت اسم عضو او مشرف

ياريته بيشاركـ فى اى توبيكات

ده بيدخل يبص ويمشى .. حاجه تزعل

وبعدين يا قمر ربنا معاكى فى الثانوية العامه وتجيبى مجموع كبير

ان شاء الله ... بس برده مش تغيبى عننا خالص

ميرسى يا ملكة بجد انكـ شاركتينا فى الحوار

Ahmed Ayuob كتب:: اولا بحب اشكرك يا دعاء على نشاطك الجامد ده
واهتمامك بيه
اما بقى بسبب قلة الاعضاء فهى مش بتبقى كده
بس هى ظروف والله يا دعاء
اللى فى ثانوية عامة واللى فى كليته
واللى مسافر بره شغل
وده مايمنعش ان فى ناس مطنشه برضه بمزاجها
وانا والله حزين اوى على حال المنتدى كده
مكنش كده خالص
كنت تلاقى الاعضاء ملين الدنيا
ومواضيع وحاجات جامدة
بس مش عارف ايه اللى حصل ده
ياريت الكل يرجع زى الاول

ماشى يا احمد ظروف ساعات بتمنع ايام مش على طول كده

واى حد عنده ظروف بجد ربنا معاه

وزى ما انت قلت بالظبط ( مايمنعش ان فى ناس مطنشه بمزاجها )

شفت بقى ان ديه حاجة تحزن اوى

هو ده اللى انا بتكلم فيه

فين المواضيع ؟ فين المشاركات فى المواضيع ؟

وانا كمان نفسى اعرف اللى حصل ده ؟

هقولها تانى ياريت المنتدى يرجع زى زمان

وميرسى ليكـ جدا يا احمد على مشاركتكـ فى الحوار

وانا مهتمه بالمنتدى علشان هو بيتنا

يارب البيت يتملى علينا تانى

همسـ@ أمل كتب:: دلوقتي يا دودو احنا في دراسة وشغل و محدش فعلا فاضي عشان ياخد نفسه حتى ولو الموضوع راجع ليا انا هقعد كل يوم بس كل ما اجي اقعد بابا او ماما يقولولي اومي زاكري واكيد مش انا بس كدة في المنتدى

سارة ربنا معاكى فى المذاكرة يارب

وانا عارفة انتى ياسارة من الاعضاء الموجودة

بس فى ناس اختفت خالص

وناس بتيجى تبص وتجرى

من غير مشاركة .. من غير اطمئنان على اى حد .. كده يعنى

الاعضاء والمشرفين هما هما اللى موجودين كل يوم .. ( نسخة واحدة )

هو ده اللى زعل وحزن الواحد

ياريت المنتدى يرجع قبل ما باقى الناس تزهأ

عندك حق يا دعاء

فعلا المنتدى بقى فاضى

وده طبعا بسبب ظروف الدراسه

انا رغم سفرى بورسعيد للكليه بس بحاول ادخله على أد مقدر

وياريت الروح ترجع للمنتدى تانى بأعضاءه

والله انتى على حق
على فكرة انا اول مدخلت المنتدى كنت احب ادخله جدااا
الاقى ردود كتير على مواضيع
مشاركات كتير ناس تدى حياه للمنتدى
بس فجاه المنتدى بقي يقل فيه الناس شويه بشويه
حتى انا من الناس اللى مش بقت تدخل كتير
عشان مبقاش فى حياه فى المنتدى زى الاول
اتمنى انه يرجع تانى واحسن

تحياتى

عندك حق
زمان من سنه ولا اتنين كان لما الواحد يكتب موضوع يلاقي في ساعة واحدة ردود كتيييييييييييير
دلوقتي لما الواحد يكتب حاجة يبقي عايز يشوفها بعد اسبوع من قلة الردود والتفاعل وفي الاخر ممكن ميلاقيش ردود اصلا

وده حصل معايا كير اليومين دول