طريقه جديده للمكرونه ارجوا التعليق

اول مرة اضيف حاجة فى قسم المطبخ يارب تعجبكوا لانها بجد جميلة ...

المقادير سهلة اوى >>

1_جبنة رومى مبشورة الكمية اللى انتوا عايزينها .

2_زتون برضو الكمية اللى تحبوها بس زتون مخلى حلقات .

3_كيس مكرونة قلم لو مكرونة فرن ولو العدد كبير هاتوا كيسين وزودوا الجبنة والزتون طبعا .

4_طماطم وكيس صلصة وفاين فودز وطبعا ملح وفلفل وكمون بس كدة..

ــــــــــــــــ

الطريقة بقى :

لو تعرفوا تعملوا المكورنة بالصلصلة عادى جدا زى ما اى حد بيعملها للى ميعرفش هشرحالة ..

_نحط المكرونة فى مية علشان تتسلق فى حلة لحد ما تستوى وتعرفوا انها استوت اما تطرى وتدقوها تلاقوها استوت واوعوا تطررى منكوا اوى
علشان هتعجبن كدة ..

_اما تستوى وتتسلق تصفوها فى مصفى من مية السلق وتغسلوها بمية ساقعة وتحطوها على جنب ..

_نفس الحلة اللى كانت بتتسلق فيها خدوها اغسلوها وحطوها على النار اما المية اللى فى الحلة تروح وتتبخر من النار حطوا شوية زيت

ومتستنوش كتير على الزيت ..

_طبعا الطماطم بتتعمل قبل ما نحط الزيت على النار وهى لسة بتتسلق اصلا تضربوا الطماطم وتحطوها على جنب وبعد كدة تجيبوا كيس الصلصلة

تفطوة على كوباية مية فى طبق عميق وتقلبوة لحد ما يبقى عصير طماطم لو لاقتوة تقيل زودوا شوية مية صغيرين ..

_نرجع للزيت وتحطوا الطماطم وعصير الطماطم على الزيت وتقلبوة وتحطوا ملح وفلفل ومون والفاين فودز وتقلبوة واوعوا تحدق منكوا وتسيبوا الصلصلة تتسبك..

_اول ما تتسبك المكرونة اللى اكنت مسلوقة تغسلوها بمية سخنةمن الحنفية وتحطوها على الصلصة وتقلبوها وتطفوا النار ...

كدة المكرونة خلصت بطريقتها العادية جددددددا للى يعرفها انا قلت اشرحها علشان اللى ميعرفش يعرف ..

** بعد كدة نجيب طاجن فويل لو مفيش طاجن صنية عادي جدا ضغيرة مدورة او مستطيلة تحطوا طبقة مكرونة وفوقها جبنة مبشورة وزتون

وطبقة تانية مكرونة وطبقة جبنة وزتون بس كدة طبقتين بس...

وتحطوها فى الفرن على درجة عالية وتابعوها لحد ما الجبنة تسيح فوق الوش تقريبا هتاخد ربع ساعة

وتقفلوا النار وتسيبوا الصنية جوة الفرن شوية وبعدها طلعوها وقطعوها هى هتبقى مش ماسكة نفسها اوى بس اشطة عادى

هتبقى جامدة برضو بس زودوا الجبنة ...... وتسلم اديا هئهئههئ

طريقة حلوة اوي
تسلم ايدك

ميرسيه على المرور ياقمر

wae4

» كــــلمـــات اعجبتنى ارجوا التعليق
» طريقة جديدة لمنع الاخرين من معرفة اسرارك
» حصريا واتحدى التعليق على هدف مصر فى الكاميرون (عصام الشوالى)(نغمه)
» قصه محرجه ارجوا قراءتها وحدك ؟؟؟
» طريقه عمل البيتى فور